La Usc di Ladins

Jun Busan te la “Casa della Pesa” per endrez dla Euroregion Trentin Südtirol e Tirol vegn endò metù a jir la jebies culturèles. 

Vigni terza jebia del meis vegn pervedù tel program evenc, laboratories e ocajions de cognoscenza per gregn e per bec.

La pruma scontrèda la é en program en jebia ai 19 de jené, da les 6 da sera, con na letura scenica che recorda l’anescion oblighèda di trei comuns ladins de Soramont (Cortina d’Ampezzo/Anpezo/Haydn, Livinallongo/Fodom/Buchenstein e Colle Santa Lucia/Col/Verseil) a la Provinzia de Belun da man del goern fascist. I trei Comuns per secoi i aea fat pèrt del Tirol storich; la anescion é stata fata ai 21 de jené del 1923, apontin acà cent egn.

Jirà sun paladina dotrei sentadins de Soramont, che lejarà tesć storics e d’aldidanché. La letura scenica é stata endrezèda adum da l’Euregio, da la Sociazion Culturèla “Casa della Pesa” e dal Istitut Cultural Ladin Cesa de Jan. L event sarà viventà co la musega del ensemble “Kropya”.

La entrèda é debant fin canche no vegn arjont l numer massimal de vijitadores ametù.