La Usc di Ladins

La jënt ti pici paisc olache al n’é plü degöna botëga dl patüc da vigni de mëss jí ti paisc maius a cumpré ite. Dal ann 2014 incá mëna do la Provinzia finanziariamënter la daurida de botëghes ti pici posć olache al abitëia almanco 150 porsones. Les botëghes vënn produc de pröm debujëgn y dla vita cuotidiana, y á ince na gran valüta por che porsones röies adöm, se vëighes indô y s’la cuntes. Le contribut é gnü alzé; sce al vëgn venü dlungia ai alimentars standard, ince produc locai y garantí d’atri sorvisc sciöche la venüda de foliec fej fora le contribut sëgn cina 12.000,00 Euro.