La sociazion Transdolomites à chiamà ite a Cembra ai 18 de jené la radunanza di sozi, n moment emportant per meter dant l’atività fata via per l 2022 e chela en program per chest nef an.
L an tanche passà l é stat rich de evenc e de vèresc inant per chel che vèrda i studies su la ferata. En particolèr chel svizer che à fat na valutazion del coleament anter Trent e Penìa e che é stat prejentà a Ciavaleis ai 28 de november e a Trent ai 29.
»I convegnes endrezé via per l’aisciuda e l uton – à dit l president Massimo Girardi - à tout dant soraldut l tem del cost de la mobilità dal pont de veduda economich e sozièl. Te chesta ocajions i esperc à desmostrà, coi dac te man, l cost de la mobilità privata e i à dit che l trasport pubich l é l soget sun chel che se cogn investir. Ence la mencianza de ferata l à n cost ajache i teritories cogn renunzièr a n muie de oportunitèdes. Se peisse al potenzial di treni turistics e l suzes leà a la oferta di treni storics.«
De più su La Usc stampèda de vender ai 27 de jené. (MCI)
Transdolomites: ge vel investir sul trasport publich
La sociazion, vidèda dal president Massimo Girardi che é stat reconfermà, à chiamà ite la radunanza di sozi per prejentèr la scomenzadives del nef an.
Galaria retrac
View the embedded image gallery online at:
https://www.lausc.it/atualite/22435-transdolomites-ge-vel-investir-sul-trasport-publich#sigProId981c6d58b8
https://www.lausc.it/atualite/22435-transdolomites-ge-vel-investir-sul-trasport-publich#sigProId981c6d58b8