I spacèa ti bares e perscin tel bosch per no se fèr veder. I comprèa la droga jun Busan e i la portèa te Fascia, magari compagné dal fi de mendra età.
Les é jites inant per doi egn la enrescides di Carabinieres de Ciavaleis col didament de la Forzes del Orden del teritorie e del Nucelo CC cinofili de Laives per ruèr en mèrtesc ai 31 de jené a la maxi operazion antidroga »Sciamano 2« che l é l seghit de chela envièda via del 2018. Chesta operazion à consentì de troèr fora na rei de spacio ativa te Fascia con coleamenc con Busan olache i pusher comprèa la droga.
La investigazions à portà a 14 mesures cautelères. L é stat serà e metù sot sochestèr probatorie n bar a Moena olache vegnia spacià.
De più su La Usc stampèda de vender ai 3 de firé.
(MCI)
Te Fascia na gran operazion antidroga
I Carabinieres de Ciavaleis à documentà anter l 2020 e l 2022 più che mile episodies de spacio. L é stat serà n bar e ordenà 14 mesures cautelères.
Galaria retrac
View the embedded image gallery online at:
https://www.lausc.it/atualite/22460-te-fascia-na-gran-operazion-antidroga#sigProId358d96e154
https://www.lausc.it/atualite/22460-te-fascia-na-gran-operazion-antidroga#sigProId358d96e154
