N "No" sëch vëgn dala Provinzia por dé pro la straihada di debic cina 1.000,00 Euro por straufunghes y sanziuns ti agn 2000 – 2015. Arno Kompatscher, competënt por les finanzes dla Provinzia, â proponü le "No" dan ala Junta provinziala che â spo confermé.
I dër de credit dla Provinzia, che ne gnará nia condoná dala Provinzia, reverda ince les impostes söi veicui. Aladô dles sciazades dla Repartiziun provinziala dles Finanzes, se roda la zifra adöm cun i fic söi 2,5 miliuns de euro. De chisc vëgn 2,1 miliuns de euro da cuntravenziuns y 400.000 euro dai fic.
Incër 25.000 sogëc (porsones fisiches y firmes) resultëia ester debiturs cun l’aministraziun provinziala.
Chisc dis se dá ince jö i Comuns cun la medema cuestiun: "Sce" a condoné, o "No" al condoné. La Provinzia é naota jüda danfora cun ejëmpl zivil!
N no tler ala condonaziun dles multes
La Lege de Bilanz 2023 dla Talia conzed l’eliminaziun dles "carteles" de debit cina 1.000,00 Euro dan ai ënc publics, mo i ënc mëss le dé pro!
Galaria retrac
View the embedded image gallery online at:
https://www.lausc.it/atualite/22472-n-no-tler-ala-condonaziun-di-debic#sigProId85ec15df8d
https://www.lausc.it/atualite/22472-n-no-tler-ala-condonaziun-di-debic#sigProId85ec15df8d
