Magnèr insec, la neva più comentèda de chisc ultimes tempes, é doventèda realtà. Dai 24 de jené la Union Europeèna à autorisà definitivamenter la comerzialisazion de prodoc con farina de sauch (Acheta Domesticus) e dai 26 de jené l é jit en doura ence l regolament che autorisea la comerzialisazion de la schiussènes de la farina mendra (Alphitobius diaperinus) congelèdes, te pèsta, secèdes e en polver.
L’autorisazion de la Union Europeèna al consum de insec à soscedà desvaliva posizions anter i consumadores. Da na pruma enrescida fata da Coldiretti vegn fora che l 54% di taliegn l é de contra ai insec sora desch, al 24% no ge fèsc ne ciaut ne freit, demò l 16% é a favor e l 6% no à responet. Ence nos aon sentù dotrei persones de Fascia e aon vedù che la maor pèrt no é de contra. L emportant l é che se posse saer che che se magna.
De più su La Usc stampèda de vender ai 3 de firé. (Monica Cigolla)
Farina de sauches e schiussènes sora desch
Con la fin de jené la Union Europeèna à autorisà la comerzialisazion de insec e de prodoc con farines. La etichetes sui prodoc cogn esser chières.
Galaria retrac
View the embedded image gallery online at:
https://www.lausc.it/atualite/22502-farina-de-sauches-e-schiussenes-sora-desch#sigProId11ef508811
https://www.lausc.it/atualite/22502-farina-de-sauches-e-schiussenes-sora-desch#sigProId11ef508811