Sènta Luzia, l dì più scurent

Data

13 de dezember 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’é mez dezember e l’an va a piz. Dò sie meisc ence l soreie l’outa de revers, i dis de Sènta Luzia l’é i più curc e i più scurenc de l’an.


Coi 14, per nos de la Èlpes, l soreie l’outa endò da l’auter vers e tel jir de l’invern l scurta si raes e vegn l’aisciuda. Nesc antenac defati i dijea: “da Nadal l pas de n gial e da Nanef n passet”.

Donca per nos no l’é ai 21 de dezember l dì più curt, coche i ne fèsc creiser, ma da Sènta Luzia, e l dit l disc dret: da Nadèl l’é jà 10 dis che l chiar se slongia e da Nanef ben 20 dis: l pas de n gial, l passet de n om.

Tecnicamenter, dò l jir de la sajons, ai 21 de dezember i dis più curc i é sunsom i Paìjes todesc sul termen de la Danimarca e l Mèr del Nord, che fossa sche l 55eisem paralel. Nos de la Èlpes sion pech sora l 45eisem paralel, che l passa avisa su la planadura Padana.

Chesrt i l’à scrit, e jà da valch centené de egn, su la faciada a soreie de la bela gejia gotica de Sènta Maria a Fiera de Primier. Sun l’ora da soreie l’é la scrita: 12 menuc de desferenza, chi menuc de presciapech 10 dis, de jugn più curc, de dezember più lonc.

 (Fernando Brunel)

Galaria retrac