Comentar de pruma

Data

11 de jené 2019

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L'assessur provinzial ladin nü
Che sarál pa? Daniel Alfreider o Manfred Vallazza? Tosc le savarunse, che chisc dis vëgnel moscedé les chertes tla SVP. Bunamënter sarara insciö che la Lega ne se moscedará nia ite tla cerna di inoms por la scuadra de Arno Kompatscher, porchël ará les spizes dl partí SVP - cun bel dant Alfreider desco vizepresidënt - löm vërda. Nia tröp dainciará dai inoms stá les competënzes y i assessorac, y chiló dijará la Lega la söa. Daniel Alfreider é aladô dles usc dles lites dan a Manfred Vallazza y se profilará ince porchël. Nia bun ala parüda de Alfreider sön tru da pié do ciamps importanc cun - dlungia ala Scora y Cultura Ladina - ince l'urbanistica, la mobilité y viabilité ne ti fej da edemes incá notizies te media todësc de Südtirol (sciöche la FF), aladô de chëres che al ess metü en at la furbizia y la misciun politica por frabiché rentabilmënter söl lüch de familia a Calfosch. La posiziun de Alfreider é ma tan inant indeblida co che Kompatscher crëi che l'invidia é, y sará, tres vercia (sciöche l'om politich roman Vulso dijô)!  (de Iaco Rigo)