Te cater meisc se litarà endò per la Cambra

Data

14 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 26 de mé no sarà demò la litazions europeènes, ma aldò de la demiscions de Maurizio Fugatti dal Parlament, tel Colege de Perjen e donca ence te Fascia se é chiamé a dèr jù la stima per l nef raprejentant a Roma.

En mercol ai 9 de jené l President de la Provinzia de Trent Maurizio Fugatti ge à portà dant ofizialmenter al President de la Cambra Roberto Fico sia demiscions da la encèria de Deputat. L’incompatibilità anter la encèries tel Goern provinzièl e tel Parlament era cognosciuda e la dizijion de Fugatti de cerner la Provinzia era stata palesèda de fata dò la litazions de chest uton, ma demò ades l’é stat formalisà sia demiscions dal Parlament, e donca pel peèr via tecnicamenter la prozedures per la litazion del nef raprejentant a Roma per la Cambra di Deputac tel Colege de Perjen, olache Fugatti era stat lità de mèrz del 2018.

La litazions per l nef Deputat sarà tel medemo dì jà cernù per la litazions europeènes, donca en domenia ai 26 de mé. Ensema con Fugatti à portà dant sia demiscions dal Parlament ence la conseieres e assessores provinzièles Stefania Segnana e Giulia Zanotelli.  (Lucia Gross)