Comentar de pruma

Data

18 de jené 2019

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ladins talians, fascisć y partesans
Dan avisa 80 ani iel stat l'Opzion nce tla valedes ladines. Da ntlëuta iel te Gherdëina doi slates de jënt, chëi che à fat tudësch y chëi che à fat talian, da coche l univa dit. Da iló iel pona sautà ora, for da Gherdëina demez, che l talian ie n fascista y n partesan, sciche sce chël fossa l medemo. Vëira iel che nce la Union di Ladins, che l sibe chëla de Gherdëina che la Union Generela di Ladins dla Dolomites, y nce la Usc di Ladins vën ududes n pert coche na esprescion taliana fascista y partesana. Mescedan croc y beches, zënza cunëscer la storia, zënza sensibltà soziela, dantaldut zënza fundamënt. Iusta mé per dé da ntënder for inò che i stlec ie pa chëi, scencajo.
L ie passà 80 ani, ma na bela pert dla politica de Gherdëina, che ie for mo chëla che cumanda tla politica raionela ladina de Südtirol y nce dl Trentin y scencajo monce dla Provinzia de Belun, à mo for nzaul te si cervel che i talians fascisć partesans sibe l gran pricul tla Ladinia.
Ntant vëniel fat coalizions, nia cun partesans, ma bën cun talians che à n tel cër' culëur storich ënghe vedl de 80 y passa ani. Ma chël ie pu iló unfat, l basta che ch'i cër ladins talians fascisć partesans ne ruve nia a dì la sia!  (de David Lardschneider)