La secunda spana de Kompatscher

Data

18 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le Consëi provinzial de Südtirol á lité, y a chësta manira reconfermé, Arno Kompatscher sciöche presidënt dla Provinzia por i proscims agn cun 19 usc a öna y 16 de cuntra. Al dij che la legalité y umanité é i valurs prinzipai che al ó mené inant
Le presidënt dla Provinzia é gnü confermé: Arno Kompatscher é gnü lité inier ai 17 de jená dal Consëi provinzial sciöche presidënt dla Provinzia de Balsan. Dles 35 usc nen él 19 che é jüdes a Kompatscher, do che al ê gnü designé sciöche candidat dla Südtiroler Volkspartei y dla Lega Salvini Alto Adige-Südtirol.

Tratan so discurs de insediamënt á le presidënt fat n referimënt tler ai dui valurs fondamentai dl program de govern: “la legalité y l’umanité”. Al se trata aladô de Kompatscher “de valurs che i desson vire realmënter, chël ó dí nia ma nen baié mo agí, por ne afronté nia tres chësta tematica cun tëma, mo ciaran al dagní cun otimism, porvan da gestí chësta tematica y nia da la subí”. Le presidënt á confermé da orëi ester le garant dl respet de chisc valurs.

Tratan so discurs á Kompatscher sotrissé l’importanza dla confermaziun de so mandat: „I viun te na tera particolara, fata de porsones speziales che laora por se instësc mo ince por le bëgn de nos düc, n raiun che dá gran valur ala coretëza, ala iustizia y ales tematiches soziales, che conësc süa storia, mo che ciara ince al dagní”. Kompatscher á recordé che le program de govern che gnará traté incö domisdé te Consëi á siöche fondamënta i valurs che fej referimënt al’Autonomia y al’Europa por garantí a düc oportunités valies, segurëza dal punt de odüda sozial y n svilup economich sostenibl.

Arnold Schuler: un di vizepresidënc dla Junta provinziala?
Nia l’assessur Achammer, mo l’assessur Schuler, sará le vizepresidënt dl grup todësch dla Junta provinziala nöia, adöm cun Giuliano Vettorato dla Lega (por i taliagn) y Daniel Alfreider por i ladins.
 (Iaco Rigo)