Kompatscher incunta Malagò

Data

23 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Provinzia de Balsan é interessada da surantó les disciplines de biathlon, sce Milan y Cortina ess da ciafé les Olimpiades da d’invern dl 2026
La Provinzia de Balsan á fat fora ala fin dl ann da aderí ativamënter ala candidatöra por i Jüc Olimpics 2026. Antholz cun le zënter de biathlon ess la predesposiziun logistica y tecnica, y ince por la situaziun geografica, de bones chances da deventé na location olimpica. Intratan á Südtirol ince n coordinadú por se profilé desco candidat dl’organisaziun dles Olimpiades 2026, ara se trata de Elmar Pichler-Rolle. Chësc ará ince a desposiziun la soma de 117.000,00 Euro por publizisé le zënter y desmostré la gran tradiziun y atraziun dl biathlon iten Antholz. L’import metü a deposiziun dal pres. Kompatscher fej fora zirca le 10% dles spëises che le CONI y les organisaziuns talianes investësc por se profilé desco post por les olimpiades invernales.

La dezijiun finala á ciamó da tomé, chëra da fá les Olimpiades dl 2026 tla Talia o tla Svezia (a Stockholm). Chësta tomará al intern dl Comité Olimpich tla sentada di 24 de jügn 2019 a Lausanne. 

Kompatscher á induné zacan n de le presidërnt dl CONI (comité olimpich talian) a Balsan Giovanni Malagò, anuzan le fat che le consëi dl CONI ê a Balsan por söa 1048ejima reuniun.

Les Olimpiades 2026 sará les 25ejimes tla storia. Südtirol, y ince le Trentin, ó tó pert, cun infrastrotöres y esperiënza, por che al ne mësses nia gní realisé strotöres nöies costoses altró.

Cun les Olimpiades a Milan y Cortina dl 2026 ciafass ince les Dolomites-UNESCO na conscideraziun y importanza nöia. En cunt dla mobilité y dla viabilité sostenibla á i comuns y les provinzies dles Dolomites ciamó tröp da ponsé y trá tres. Dessigü ne pó jüc olimpics nia porté pro a ciamó plü problems de ajiamënt ti paisc y tla natöra, mo ester n impuls por cherié competiziuns sportives invernales tl carater de co che ares é nasciüdes. Olimpiades invernales é liades ala natöra y ales munts, deplü co les olimpiades da d’isté. Y chësc dij tröp, y se ghira tröp dai organisadus y dai paisc che dá alberch, ciaran tl dagní!

 (Iaco Rigo)