Comentar de pruma

Data

25 de jené 2019

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L'Europa di scandai
Te püc mëisc, de ma, jarunse a lité danü le parlamënt dla Uniun Europeica. Bëgn, al é gran ora da mudé val' (mandatars y contignüs), deache i rapresentanc che i ún sëgn sostëgn massa gonot y massa tröp les gran lobbies y i interesc de furbici. O altamo ne feji nia decuntra, o n'esi nia bogn da fá val' decuntra.
Al n'é nia plü tolerabl aldedaincö che, por dí n ejëmpl, speculanc pëies do milesc de contribuc europeics da tó en afit - pro forma - paschi söalalt y munts intieres. Tres ciamó?! Nia da crëie. La discusciun de chësc vers é stada cialda, ince te Südtirol, dan plü agn. Da iló incá n'é nüsc rapresentanc, no a Roma, no a Bruxelles, stá bugn da eliminé chëstes iniustizies. Y co che al é na iniustizia: cun i rampins danter les leges da sëgn podess vigni porsona (mo "furba" mëssera ester) mëte sö na aziënda agricola, jí a chirí inzai da tó en afit sperses de munt y tiers a pascentada, ma cun le fin da se fá n bel davagn. Che la Uniun Europeica perd - fajon insciö - simpatia ne fej plü demorvëia. Orunse na Europa plü sinziera o s'n él anfat sce ara resta inant furbicia? Al ne pó nia plü s'n ester anfat ci che al vëgn fat cun i scioldi di zitadins de chësta Europa!  (de Iaco Rigo)