Lus y laurs tles Alpes: Ti trá n bot?

Data

30 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Rapresentanc de plü regiuns alpines s’á induné a Trënt per n’en rajoné de ci provedimënc tó per indeblí les popolaziuns de lus y laurs tl raiun alpin
Pro mësa rapresentanc politics de chëstes provinzies respetivamënter regiuns dl Nord dla Talia interessades dales munts alpines: Südtirol, Trentin, Regiun Venet, Lonbardia, Friul - Aunejia - Iulia, Liguria y Aosta. Al ordin dl de: studié fora y mete en pratica stromenc per se paré dai gragn tiers predadus sciche le lu y la laurs. Les popolaziuns de chisc tiers vëgn tres maius te nüsc raiuns y pó tres plü y plü ester n prigo por i zidlamënc de ciaussa y ince per la porsona.

I rapresentanc á analisé les normes dades dant dala UE-Uniun Europeica y metü sön mësa ejëmpli de co che d’atri raiuns al intern dla UE s’á regolamenté. Ai ti metará dant al Govern a Roma la proposta de n plann de manajamënt de chisc tiers. A chësta manira pól gní mené inant y metü en pratica aziuns concretes coletives por prevegní y ince desmëte de gragn predadus problematics por la cultura de munt.

 (Iaco Rigo)