Comentar de pruma

Data

08 de fauré 2019

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tlima de lëur
Ne ve suzédel pa mei che jëis nzaul, che l sibe n ufize o n'autra istituzion o sënta de lëur, che l ve toma riesc tl uedl che l ie n'aria pesocia. Ma nia ajache l ie na stleta aria, ma ajache l tlima de lëur ie stlet, burt, pesoch.

L ie tler che tl lëur iela for nscila che la va de lauré, che l ie regules y che l ie chiche cumanda che fej tenì ite la regules.
Ma tan suvënz suzédel pa che chiche cumanda ne à nia la cualiteies per mené si personal, metan ite prescion, jan contra la denità dl/a cunlauradëur/a, cun n manejamënt nia dalonc dal mobbing?
Chiche cumanda à dessegur (datrai mé povester ) si cualiteies, y zachei muessa pa cumandé. Ma sce la regules vën mé fates y tenides ite per la regules nstësses, cun regules nueves de sotmiscion y de cuntrol sëuramenà, zënza tenì cont te na maniera empatica dla jënt, bonamënter suvënz nce per lascé ora vel' melsegurëza do la rata granda y nce nia puecia frustrazion: pona posses tu cumandé tant che te ues, per l tlima de lëur fejes mé dann! Y dann fejes nce a ti cunlauradëures!
Y dann nce de viers di resultac plu positifs dl lëur: ajache n bon tlima de lëur porta pro che l vënie nce laurà cun suzes, cun majera produzion.
Y sce i cunlauradëures à legrëza a jì a lauré, pona fóssel bën zeche de bel, no pa?  (de David Lardschneider)