Retrac da marevea per n ambient maraveous

Data

19 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Pro Loco de Vich à premià i venjidores del concors de fotografìa “Ambiente di Montagna”. I retrac più bie é da poder veder te Museo Ladin fin da Pèsca.

Sabeda ai 9 de firé aló da la sala Heilmann del Museo Ladin de Fascia l’é stat fat la premiazion del terzo concors de fotografìa dal titol “Ambiente di Montagna” endrezà da la Pro Loco de Vich vidèda dal president Marco Pellegrin. A se cruzièr de dut l’endrez del concors e a rejer la scontrèda de premiazion l’é stat l vizepresident, l fotograf Anton Sessa.

Al concors à tout pèrt 70 fotografes con 170 foto, i giùdizi, no zenza fadìa i n’à chierì fora 30 e i 5 miores à arjont l pest pervedù dal concors. I 30 retrac più bie i é stac metui ence su Facebook per na stima del publich, i é stac vedui da passa 43 mile persones, l’é stat dat 8 mile stimes che aboncont no les à straout per nia l pensier di giùdizi.

La mostra é da poder veder dut invern te la ores che l’é avert l museo, dal mèrtesc a la sabeda da les 3 a les 7 da sera.

De più su La Usc stampèda de vender ai 15 de firé.

 (av)