"Concurs Trienala Ladina 2019" y "Concurs Richard Agreiter"

Data

19 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Les iscriziuns é davertes. Co pó pa i aspiranc se candidé?
La Trienala Ladina 2019 á sciöche fin chël da valorisé y sostigní l’ativité artistica ti raiuns ladins ti pitan l’oportunité ai artisć y ales artistes da se fá conësce a n publich ampl y a esperc dla critica artistica. Por le sest iade mët a jí insciö le Museum Ladin Ciastel de Tor la manifestaziun aspetada tles valades ladines che sará da odëi dai 20 de setëmber 2019 cina ai 24 de ma dl 2020 diretamënter tl Museum Ladin a San Martin de Tor.

Tó pert al concurs artistich pó düc i artisć y les artistes dles valades ladines dles Dolomites (Val Badia, Gherdëna, Fodom, Fascia y Ampëz), dai Grijuns y dal Friul. Tó pert pó ince i artisć che á n lian particolar cun la cultura y la storia ladina. Dötes les formes d’ert é ametüdes: dala pitöra ala scoltöra, istalaziuns, fotografies, video y insciö inant.

Concurs Richard Agreiter: cumpra de na scultöra

Le Museum Ladin Ciastel de Tor scrí ince fora n concurs - chësc, en colaboraziun cun l’artist Richard Agreiter - por cumpré scultöres d’ert. Al concurs pó tó pert artisć de scoltöra che laora y é aciasá tl raiun dl Tirol storich (Euregio Tirol - Südtirol - Trentin) y dai trëi comuns ladins dla provinzia de Belun y che á n lian particolar cun la cultura, la storia y les tradiziuns de chisc raiuns. L’opera o les operes chirides fora dala iuria gnará cumprades dal Museum Ladin. 

Se anunzié

Por tó pert ai concursc vál debojëgn da dé jö la candidatöra anter, y nia plü tert co, i 15 de merz dl 2019 dales 12:00. La documentaziun pó ince gní menada ite tres e-mail, dada jö personalmënter o ince menada por posta. Da mëte averda: la data dl timber dla posta ne vel nia. La versciun integrala dla bandida di concursc cun düc i detais che reverda la documentaziun damanada é da ciafé sön la pröma plata dl sit www.museumladin.it Por plü informaziuns é a desposiziun le Museum Ladin Ciastel de Tor, strada Tor 65, San Martin de Tor, tel. 0474 524020.