Comentar de pruma

Data

22 de fauré 2019

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La vera dal lat
Al ê da s'l impensé da agn, che la micia jiss n de ciará: cun le marcé davert, dantadöt al intern dla UE y dal'UE cun i statesc desfarënc dl monn. Al é la micia di pici paurs y di pici produturs agricui, che ne ti la fej nia plü da suravire defrunt a na industria agro-alimentara. Bëgn, spo sunse ruvá tan inant che nüsc paurs, y chi dles bisces dla Sardegna, sciafia ma plü da lauré inant, sce la man publica ti dá contribuc (la ghiranza di paurs instësc é da ruvé cun vëne le lat de biscia a 1,00 Euro le liter). Chësc ejëmpl desmostra indô n iade, tan inzescü che le sistem dl marcé capitalistich vá: i conzerns vëgn tres maius y prodüj cun tres manco cosć, ai mangia sö i pici y ci che resta é le "desert": na contrada zënza i pici paurs, na regiun zënza de pici artejagn, n paisc zënza botëga... Por salvé la strotöra de produziun economica, che á ince na importanza y funziun soziala, mëss la man publica, o dit damí: le Stat o la UE, salté ite, surandan contribuc direc. Dit en cört salva sëgn le Stat y i Statesc n sistem che ëi instësc á conzedü che nascess. Al é le sistem capitalistich, da chël che tröc economisć nes á avertí. Sce n pü' de comunism jiss bun y foss la rezëta? Ciodí pa no, indô n iade tla storia! Laota ê le comunism sté na resposta al'aristocrazia che sfrutâ i lauranc, aldedaincö se parassel cuntra l'oligarchia che strumentalisëia la democrazia.  (de Iaco Rigo)