Di Internaziunel dl Lingaz dla Oma

Data

21 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ncuei iel l Di Internaziunel dl Lingaz dla Oma, protlamà dal UNESCO per la „prumozion dl plurilinguism y dla varietà linguistica y culturela“. Dal 2000 incà vëniel festejà ai 21 de fauré chësc anuel

Davia che plu dl mez de duc i lingac rujenei sun chësc mond manacia de murì ora, à l’UNESCO ratà de bujën de sustenì y prumuever la rujenedes dantaldut coche sëni de identità culturela de n popul, ma nce de sotrissé l plusvalor culturel dl nseniamënt de d’autri lingac y dl plurilinguism coche tle per se ntënder y respeté unculauter.

La presidënta dla Union Generela di Ladins dla Dolomites UGLD Milva Mussner vëija „de bon uedl la scumenciadiva UNESCO, dajan da lecurdé i vares inant per la rujeneda ladina che l ie unì fat a livel istituzionel y te scola, coche nce l mpëni dla UGLD de viers dl mantenimënt y l svilup dla rujeneda ladina, tulan l’ucajion de rengrazië la jënt ladina per la sensibltà che la à de viers de nosta rujeneda coche elemënt primer de cultura y identità,“ nscila Mussner. (usc)


Foto: La presidënta dla Union Generela di Ladins dla Dolomites UGLD Milva Mussner.

Galaria retrac