Comentar de pruma

Data

15 de merz 2019

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La generaziun X
Al é la generaziun nasciüda cun le 1968, chë generaziun che á aldedaincö danter chi 50 y 60 agn. Ara pó gní aratada na generaziun "punt", de coliamënt danter le gran svilup dl do-Vera y l'epoca digitala atuala. Al é na generaziun amesa la vita y les vites, che messass ester porchël na garanzia por ci che é gnü fat bun y ci che é gnü fat damat. Ma che ara ne vëgn nia ascutada sö! Do che les generaziuns protagonistes dla politica y dla economia tl do-Vera â governé cina dantier, él da inier incá na generaziun plü jona che comana, na generaziun che pé jí do so ce, ajache ara pó s'un valëi dl bonus che les generaziuns dan ëres á governé massa dî y á spo lascé indô lacunes te sistems y strotöres! Tolun ca l'ejëmpl dla politica por la limitaziun dl trafich sö por i jus: Ci soluziuns á pa sëgn chisc jogn da mëte en at, che ai á podü sgnaché sön na pert fora de n aiet les iniziatives de informaziun y limitaziun aviades dan plü agn? Cun chisc comportamënc resta sëgn atualmënter les Dolomites zënza dagní y le jí sö por munt d'isté n bel gran teater! Ci sort de ghesć orunse pa fá gní adalerch d'isté? Chi che röia sön Frara, Sela y Pordú cun na Porsche che fej na vera mata, stá chic por fá n selfie cun i bi crëps doía, y la taia indô inmalora?! Al é bele do les 12... Y la generaziun X é oramai massa vedla, por fá n selfie, o ci?  (de Iaco Rigo)