Iadi cun fligher

Data

14 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’Autorité garanta por la concorënza y le marcé taliana (AGCM) straufëia Ryan Air y Wizz Air.
L’Autorité garanta por la concorënza y le marcé (AGCM) á dan da püch stlüt jö dui prozedimënc cuntra les compagnies de fligri bunmarcé Ryanair und Wizz Air, olache ara n’en jô de sües desposiziuns por ci che reverda i prisc de trasport di gragn cufri da tó tla man (i trolleys classics). L’autorité á constaté che ara se trata de pratiches comerziales nia coretes, deache le consumadú ne sá nia avisa cal che é veramënter le prisc final dla cherta de jore. Tla tarifa de basa n’él nia plü laite le trasport de n gran cufer da tó tla man che é pö na pert essenziala dl contrat de trasport. Belavisa é le prisc efetif feter dagnora plü alt co chël dé dant tl scomenciamënt dl prozes de prenotaziun y insciö él plü ri da confronté cun les tarifes de d’atres compagnies de jore che tol ite le cufer da tó tla man te so prisc de basa. De plü informaziuns sön chëstes dezijiuns é da ciafé sön la plata web dl’Autorité garanta por la concorënza y le marcé: https://bit.ly/2twXoib

I
 podëis lí do deplü "telegrams" ütli por i consumadus tla ediziun stampada de LaUsc di Ladins da indoman!