Comentar de pruma

Data

22 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Greta for president
Greta Thunberg é na jona de 16 agn dla Svezia che devënta tres plü y plü n simbol por l'ativism general y global cuntra les politiches che trascurësc la crisa dl scialdamënt dla tera. Scores te döt le monn á cina protesté de vëndres deboriada cun la jona dal placat "Skolstrejk för klimatet" (scioper dla scora por le clima). Greta á baié de dezëmber dan ales Naziuns Unides a Katowice tla Polonia: "Os baiëis tresfora ma de n cresciamënt etern economich vërt, ajache i ëis tëma da ester impopolars... Os baiëis ma... I ne sëis nia madüs assá por dí les cosses co che ares é... La soferënza de tröpes porsones paia le luxus de püc. Sce al é imposcibl da ciafé soluziuns al intern de chësc sistem, spo messunse mudé sistem". Greta vëgn ince criticada, deboriada cun i studënc che protestëia - ai é infantii, banai...! Ciodí ne criticunse pa nia i politics che sotescrësc tresfora iniziatives y normes por archité le scialdamënt dla tera, zënza les tigní ite? Canche n politich ne capësc nia plü i soms di mituns, déssel zede da fá politica!  (de Iaco Rigo)