Maurizio Dellantonio resta a cef del Socors Nazionèl

Data

13 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te la radunanza stata enstadì a Milan l’é stat confermà president l'istrutor da Moena e lità l nef Consei Nazionèl.


Maurizio Dellantonio Bander da Moena l’é stat confermà da nef a cef del Corp Nazionèl Socors da mont e speleologich (CNSAS) te la radunanza nazionèla stata a Milan a la fin de mèrz. Tel medemo temp l’é stat renovà la litazion del nef Consei Nazionèl, che à vedù n muie de confermes ence te la neva jonta anter i conseieres che jìa fora.

Dellantonio, che l’à na esperienza fona desche dirigent te chest setor, per n muie de egn l’à fat l’istrutor tel Zenter de Adestrament de la Polizìa de Stat a Moena e, dant de la nomina a president nazionèl stata del 2016, l’à vidà l Socors da mont trentin.

“Te chisc trei egn aon fat n percors belebon positif - disc Dellantonio - giö acà n an aeve ence tacà a veder se l’aessa podù esser valgugn auter percheche é mingol la mentalità del mudament, pense che no ge völ meter raisc, ma no l’é vegnù fora nesciun. Dapò l’é ence vera che te trei egn no se é bogn de portar a compiment dut, ence da Roma i me aeva domanà de restar amò, ajache sion dò che porton inant de bele robe ence con chest goern, e aboncont é vardà che chi de mia squadra me à compagnà te chisc egn i reste e de chest son content.”

De più su La usc stampèda de vender ai 12 de oril 2019.  (Cristina Marchetti)