La Jonta dla Region vian Souramont

Data

24 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks

La Jonta regionala dl Trentin-Südtirol en vijita dai Ladins de Anpezo, Col y Fodom. L assessour a les mendranzes Manfred Vallazza ti assigureia l aiut.

Adum al diretour dla Reparizion Lingac de mendranzes Günther Hofer á l assessour regional Manfred Vallazza vijité l’edema passeda l Istitut Cultural Ladin “Cesa de Jan” a Col. La delegazion é gnuda acompagneda dal diretour dla Cesa de Jan Denni Dorigo, da la presidenta Elsa Zardini, dal vizepresident Paolo Frena y da Isabella Marchione.

Do la conclujion dla Pruma Vera Mondiala passa i trei Comuns storics ladins tl ann 1923 pro la Region dl Venet y vegn enscí destachés dal Südtirol. "Sibe la Region Venet che la Provinzia de Belun ne sostegn nia la mendranza ladina sciche al vegn garantí tla Region Trentin-Südtirol", á dit la presidenta Elsa Zardini, che á recordé che al vegn cherí bele da plu agn la colaborazion con la Region Trentin-Südtirol.

“Per me él de gran importanza da sostegní l grup linguistich ladin te Anpezo, a Col y ta Fodom y da i daidé mantegní l lingaz y la cultura y dantaldut ence la colaborazion con l Südtirol”, á dit Vallazza. Tosc él prevedú na enconteda di raprejentanc di Comuns ladins soura i confins provinziai fora adum al assessour regional.

Tles edemes dant s’á Vallazza enconté con i raprejentanc dles mendranzes linguistiches di mocheni, zimbri y ladins dla Val Badia, de Gherdeina y de Fascia.