Consulta ladina nöia

Data

15 de mei 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Vare inant tla operativité dla Junta provinziala nöia a Balsan: al é gnü nominé i comëmbri nüs dla Consulta culturala ladina
La Junta provinziala á nominé ai 14 de ma dl 2019 les cater porsones che fej pert dla Consulta culturala por le grup linguistich ladin dlungia al assessur ladin. Presidënt dla Consulta é de lege l'assessur ladin, i comëmbri nüs é esperc te de plü ciamps culturai:
Sabine Piazza
Christa Kasslatter
Konrad Tavella
Ludwig Rindler.

La pröma incuntada dla Consulta culturala gnará a se le dé ai 21 de ma a Balsan.

L’assessur por la cultura ladina á tut l’ocajiun da rengrazié i comëmbri da denant por so impëgn y profescionalité por la cultura ladina. La consulta culturala é la basa y le filter por la promoziun de proiec y scomenciadies culturales. Les competënzes primares dla consulta culturala é chëres da sostigní les assoziaziuns y les organisaziuns culturales ladines y da valuté i finanziamënc provinziai por le ciamp dla cultura. Al ti speta ince da fá propostes por manifestaziuns y ativités culturales che la Provinzia mët a jí diretamënter. Implü dess la Consulta ince mené inant la promoziun de manifestaziuns culturales.  (Iaco Rigo)