media/k2/galleries/26722/thumbs/Bildschirmfoto_2024-03-18_um_19.29.29.jpg
18 de merz 2024

"N centené a cënt al'ëura"

"Cënt": l inuem dla mostra dij bele dut. Na sort de laudatio vijiva per l centejim ann de vita de n artist che à abù l snait de purté n'ert nueva te Gherdëina
Diesc de gran scultures, danter totems, menhir y uciei, cumpaniedes da de plu dessënies. Chësc ie chël che n à dan i uedli pernanche n va da porta ite tl museum de ert moderna y cuntempurana de Bulsan, Museion. Na udleda maiestëusa, chëla che n à dan sé. Nstadì iel stat la giaurida dla mostra "Cënt" de Adolf Vallazza. Na mostra che uel vester n recunescimënt, n rengraziamënt, a na cariera artistica de marueia, de revoluzion te Gherdëina, tl centejim ann de vita dl artist nasciù tl 1924. Pra la ...
media/k2/galleries/26721/thumbs/Ongari.jpg
18 de merz 2024

Bèsta Alps, l Fascia à dezidù de se trèr fora

La sozietà di Falcons à manà fora n comunicat che sera l’esperienza fascèna te la lega italo-austro-slovena. Aon domanà fora l president Roberto Ongari su chesta costion.
L Fascia se tol fora da la Alps Hockey League. Tinultima la é ruèda, la neva che jà da vèlch temp valgugn se spetèa. Tras n comunicat vegnù fora sul sit ufizièl, i Falcons à comunicà a inom del Consei de aministrazion che no i farà più pèrt de la lega che tol ite club taliegn, austriaches e slovens.

Chesta cernia à fat trop rumor te val, olache l sport con feres e steches l resta semper anter i prinzipèi, ma la troa desvaliva motivazions. La pruma e prinzipèla l é l mudament de intenzions che à ...
media/k2/galleries/122/thumbs/76b2c55b49c3a1c9fc1756016c407535.jpg
05 de dezember 2023

Liejede l’edizion nueva!

media/k2/galleries/26720/thumbs/fossasanta_calfosch.jpg
18 de merz 2024

Fossa Santa a Calfosch

Dai 15 de merz inant pón indô jí a ti ciaré ala Fossa Santa, te dlijia da Calfosch.
Cina en Sabeda Santa ai 30 de merz pón indô odëi tla dlijia da Calfosch le Sepolcher Sant - la Fossa Santa. Le sepolcher é gnü lascé fá dl 1837 sön inciaria de R.S.G. Domenico Degillia y Filippo Tavella. Bele tl’eté medievala án metü man da mëte sö tles dlijies sepolcri sciöche imitaziun dl Sepolcher Sant de Ierúsalem. Tl sepolcher da Calfosch él ince da odëi ot chedri dl calvare de Gejú: 1) Gejú tol comié da süa uma; 2) Gejú sön la Munt dl Orí y l’angel cun le caresc dla soferënza; 3) Gejú ...
media/k2/galleries/26719/thumbs/Bildschirmfoto_2024-03-18_um_13.56.23.jpg
18 de merz 2024

Meludies de Südtirol tla nterpretazion de Choriosum

Da Herbert Pixner a Giorgio Moroder: La grupa Choriosum à purtà dant l cunzert »Sound of Südtirol«, tla Gran Sala dla Cësa di Cungresc a Urtijëi, cun na gran variazion de cianties de Südtirol lauredes ora per l cor, ulache l cianta pea nce doi ciantarines de Gherdëina
N dumënia passeda, ai 10 de merz dala sies da sëira, à la grupa Choriosum de Bulsan tenì l cunzert dal titul »Sound of Südtirol« tla Cësa di Cungresc a Urtijëi. La gran sala fova tocia y plëina de jënt che se ncunfertova dassënn a ti scuté su
al cor cunesciù, che se ova bele dan set ani esibì a Urtijëi n ucajion dla lingia de cunzerc »Giorgio by Choriosum«. Nce doi ciantarines de Urtijëi fej pert dla grupa Choriosum: Helene Demetz y Susi Moroder.

Sofia Kostner

L articul tla edizion atuela de La ...
media/k2/galleries/26716/thumbs/Rezeta_Stefano_carciofes_2.jpg
18 de merz 2024

Saores de noscia tera

"Carciof, salata da smauz, formai crocant e chutney de peires": l é chesta la rezeta che l chef Stegano Ghetta de Martin ge sporc su La Usc nr 11 dai 15 de mèrz, ai letores de La Usc di Ladins.
Fosc a lejer l titol se podessa pissèr che chisc no sie proprio saores de noscia tera, ma chel che fèsc la desferenza anter zachei che cojona e n chef da steiles fosc l é apontin la capazità de conjobièr e desfrutèr chel che vegn dal teritorie per ge dèr chel vèlch de originèl e sćiantif a ogne piat.
Amò apede con sie aiut chel che pissaane sie tant senester somea doventèr trop più sorì, con vèlch secret per fèr de n bon piat vèlch de gran parbuda per fèr bela fegura.
La rezeta su La Usc stampèda ...
media/k2/galleries/26688/thumbs/daniele_selle1_foliet_web.jpg
18 de merz 2024

L »Kae Sa Luk«, cánche l mangé l deventa na forma d’ert

Daniele Selle l é tourné co na medaia de brom al col da le Olimpiadi de la cujina a Stoccarda. Suzés per sue mole de formai zuplade fora
La se clama »Kae Sa Luk« e l’é la vegla ert thailandeje de zuplé fora de ogni sort de roba da mangé, come fruta, verdura. Na tradizion nasciuda ntel 1364, cánche Nang Nopphart l ava bu l’idea de zuplé fora deplù sort de fruta e verdura per decoré n luminal che galegiánt per l festival real »Loy Krathong« per l fe nsomié a nen gran ciof de loto. I conta che cánche l Re Phra Ruang l a vedù l resultat l a aprijé trop chësta novité e che l fossa deventé patrimone artistich de la Thailandia. Na ...
media/k2/galleries/26715/thumbs/Retrat_HC_Catinaccio.jpg
17 de merz 2024

Chi él pa?

Do n retrat sche dut de eles, en ocajion di 8 de mèrz, chest'outa te noscia storica rubrica de La Usc publicon n retrat de ic, pissan che ai 19 de mèrz l é la festa del papà: sul retrat jiadores e dirigenc de hockey, joegn da enlouta encomai doventé pères, e ence pères che no é più con nos.
La setemèna passèda, en ocajion di 8 de mèrz, aon publicà n retrat che vegn fora dai archivies de La Usc di Ladins olache l era su femenes, sche dutes da Ciampedel, de desvaliva generazions col guant. Sul numer stampà de vender ai 15 de mèrz podede lejer la soluzion con duc i inomes e apede l é stat publicà n retrat de hockey.

Per responer se pel manèr na mail a: fascia@lausc.it o chiamèr l numer de telefon 0462 764545. Per poder meter sul numer che vegn la soluzion e i inomes de chi che à ...
media/k2/galleries/26714/thumbs/Conscric_1964_organisadores_2014_Pardac.jpg
17 de merz 2024

Ladins adum per i 60 egn!

L prum de jugn sarà festa grana a Cianacei. I organisadores auza fora l envit ai conscric del 1964 de duta la valèdes ladines. Ge vel se scriver ite dant dai 20 de oril.
L é passà encomai 10 egn da canche, de jugn del 2014, i conscric del 1964 da duta la valèdes ladines e vejines se aea binà ja Pardac per festejèr i 50 egn tel segn de legreza, unità e amicizia.

L era stat na fran endesfida e l’aea abù n gran bon ejit: aea tout pèrt passa 140 ladins da duta la 5 valèdes: n era 80 da Fascia, 25 da Gherdëina, 26 da la Val Badia, 8 da Fodom e 7 da Anpezo, apede a chi da Fiem e da etres raions vejins.

L grop de feruscoi organisadores l é metù ensema da conscric de ...
media/k2/galleries/26712/thumbs/pulman_180_SJan.jpg
17 de merz 2024

Rosengartenbus, da chest istà n pulman ogne mes’ora

La linea 180 che va e vegn da Busan ruarà fin a 20 corses al dì. Na bela sodesfazion per l desch de lurier metù su da la sociazion Transdolomites che vidarà l projet de comunicazion Rosengartenbus.
Ai 26 de jené l é stat endrezà la pruma scontrèda del grop de lurier metù su da la sociazion Transdolomites che tol ite i teritories olache rua la linea 180 de coleament anter Busan, Val d’Ega, Neva e Sèn Jan.

A chest desch à tout pèrt Heinz Delago del Servije Trasporc de la Provinzia de Busan, Loris Comellini per KSM l Consorzie di autotrasportatores del Sudtirol, Stephanie Völser del Ofize turistich de Neva, Nicolò Weiss che col prum de oril sarà ofizialmenter l nef diretor de l’ApT de ...
media/k2/galleries/26713/thumbs/PHOTO-2024-03-17-10-23-15.jpg
17 de merz 2024

San Martin: Esplojiun cun ferí

Socursc y stödafüch á messü fora danter San Martin y Antermëia por n intervënt olache n berba á messü gní joré tl ospedal da Balsan
Le fat é bele sozedü en sabeda ia por le de. Te na ciasa danter San Martin y Antermëia ál dé ca na esplojiun, olache n berba de püch sura 80 agn é resté bindebó ferí. Le berba á indere pormó cherdé aiüt chësta domënia da doman, olache al é gnü alarmé defata do les 7 i Stödafüch da San Martin y dedô ince i socursc. Alan Trebo, vizecomandant di Stödafüch da San Martin, nes cunta che la esplojiun é stada gaujada tres n fornel a gas – ince sce al sará ciamó i Carabiniers che ará da inrescí les ...
media/k2/galleries/26687/thumbs/dolomitibus_foliet_web.jpg
17 de merz 2024

L calvario dei studenc fodomi de le scole aute con Dolomitibus

Ntra personal che máncia, disorganizazion e la politiga che fesc ousc da mercánte, per i tosac jì a scola l é deventé n percors a ostacoi
La situazion a di puoch embarazánta del sistem de trasport publich gestì da Dolomitibus n Provinzia de Belum l’é davánt ai ogli de duc. Nte sti ultimi meisc s’a mossù vedei l teater dei »boletins« che ogni dì l’azienda, che a come sozio de minoránza l medemo ent Provinzia de Belum, metáva fora per fè a savei le corse che fossa sautade l dì davò. S’é ruei ence a 80 torpedons che no n é partìs perciéche máncia sciafers. Con dute le riprecusción che se pò s’enmaginé per chi che ogni dì doura l ...
media/k2/galleries/26682/thumbs/Pistabobcantiere20240311_141803_foliet_web.jpg
17 de merz 2024

Scomenza a lourà el cantier par el bob

Rua in Anpezo ra machines e i ome par fei su chesto inpianto de sport par i Śoghe d’inverno 2026. I laora anche a Socol, par fei su el vilajo de i lourantes del cantier
De un ver ‘l é ‘na machina che majena ra toutes de i laresc che i à roesà, par dapò ingarià duto; i mena via ra taies e i longare, ves ra sia, da fei fora brees e trae. De chel outro ver rua i camion, par daerśe el cantier de ra pista da bob noa, par ra Olim­piades 2026. L é un gran reśiro a Ronco, ste dis, anche se ‘l é nafré de gnee, par el bosco: ‘l é masa poco par fermà un cantier che à prescia. Par scomenzà i à betù redes de fer, duto d’intorno, da no śì inze, pede a cheres de ...
media/k2/galleries/26710/thumbs/Bildschirmfoto_2024-03-15_um_15.56.43.jpg
17 de merz 2024

L marcià rëidl, na forma de economia giusta

L cunzet dl »fair trade« tres l ejëmpl de na cuoperativa
L marcià rëidl o »fair trade« ie na forma de cumerz etich, che da cualità al produtëur y al cunsumadëur. Sun l marcià nternaziunel iel de gran desvalivanzes danter i paejes rics dantaldut dl nord y i paejes pueresc dl sud dla Tiera, nsci che trueps ne n`à deguna puscibltà de miuré si cundizions de vita. L fair trade se à svilupà, ajache l uel vester na auter­ nativa al’economia che ti va do al davani unfat sce truepa jënt s’la paia o viv perchël te de stleta cundizions. Nsci ...
media/k2/galleries/26709/thumbs/31936.jpg
16 de merz 2024

Sellaronda Skimarathon, 30 egn

La garejèda de net a cobies con la pouses ponta via da Cianacei ai 22 de mèrz.
30 egn de Sellaronda Skimarathon. N cedean toron che vegnarà festejà chest an belapontin a Cianacei.

La 30^ edizion de la garejèda a cobies de net coi schi de alpinism sarà en vender ai 22 de mèrz e i atlec pontarà via da les 6 da sera da Fascia per corir dut l percors de 42 chilometres con 2700 metres de dislivel che va etornvia l Sela. 
A Cianacei, chela che vegn conscidrèda mingol la cuna di ‘sellarondisć’, la garejèda rua deretorn do 6 egn, l’ultima partenza da Fascia era stata defat ai ...
media/k2/galleries/26708/thumbs/scritores_publich_CGF.jpg
16 de merz 2024

Femenes scritores da talent e sentiment

I Servijes sozio-assistenziai e i Servijes linguistics e culturèi del Comun General de Fascia ge à dat ousc a 11 eles che scrif per pascion.
11 femenes, 11 scritores. Te sala grana del Comun General de Fascia, en vender ai 8 de mèrz, te la Dì internazionèla dedichèda a la eles, i Servijes sozio-assistenziai e i Servijes linguistics e culturèi à chiamà ite 11 femenes scritores de Fascia per ge dèr merit per sie contribut sozièl e culturèl.
»A le femene volesse ge dir ‘no ve desmentià de pissar a voi, conzedeve la libertà de coltivar vesc ensomesc e de valorisar vesc talenc, descheche à fat cheste scritore – à dit dantfora la Conseiera ...
media/k2/galleries/26707/thumbs/Dozenc_Museo_toponomastica1.jpg
16 de merz 2024

Dozenc e esperc sui inomes de lech

Te Museo Ladin l é stat endrezà na scontrèda de formazion didatica per didèr i ensegnanc a lurèr fora unità didatiches su la toponomastica.
La toponomastica l é stat l argoment de la formazion didatica che en mercol ai 6 de mèrz à binà te sala Heilmann del Museo Ladin de Fascia n grop de ensegnanc de duc i degrees e ordegn, da la scolina enscin a la scola auta de desvaliva materies. L domarena de formazion é nasciù da la colaborazion percacenta anter i Servijes linguistics del Comun General de Fascia, l Museo e la Biblioteca de la Majon di Fascegn e la Scola Ladina. La scomenzadiva é stata pissèda per enjignèr la scoles a zelebrèr ...
media/k2/galleries/26706/thumbs/Foto_Hockey_joegn_U19.jpg
16 de merz 2024

I Falcons vel fenir delvers la sajon

I campionac mendres pian pian i se sera, l Fascia à vent duta la partides del fin de setemèna.
L hockey l é do che l se enjigna a fenir su la sajon. Sion oramai a la metà de mèrz e i campionac se envia envers la ultima fases de jech. Pecia partides per serèr su, amancol per la formazions che no é states bones de se loghèr ai playoff e se jièr i titoi de categoria. La formazions fascènes aboncont no mola e les vel onorèr sia ultima fadies. Tel ultim fin de setemèna l setor mender fascian à vedù demò ventes che à dat legreza e fiduzia per l davegnir.

L’U.10 é ruèda al ultim tornoi de ...
media/k2/galleries/26686/thumbs/LRM_EXPORT_27365700348837_20190204_150614344_foliet_web.jpg
16 de merz 2024

La nef: simbol e nezessità de la sajon da d’invar

Riflessiogn e consideraziogn den element natural che da secui ciaton nte nuos pais da mont
Duc la spetava, tanc oramai pensava che no la ruasse pi. La granda nef chest an la é ruada n frego tardiva, ma, per fortuna, la é ruada.
Sebenche no n siebe stà tanta davantvia, co le nuove tecnologie de nef programada i lifc e dut l setor turistich i à podù pee via, coche pervedù, bele ai prim de dizembre. Ma l ciaut che on bù de febraro l à fat pensà sora a zerte piste, a zerti lifc che i avarave bù l riscio de sarà davant del temp. La nef inveze, come che suzede da spes, l à portà dut a la ...
media/k2/galleries/26681/thumbs/Carabiniericontrollistrada_foliet_web.jpg
16 de merz 2024

Da Roma in Anpezo co ra so malagrazies

I Carabiniere i à brincà un che menaa ca droga; el ruaa a dorà ra pistola, par scaturlà chi outre e podé vende depì. Ra paroles de el capocomun e de el pioan. Ra storia de San Vido, i anes pasade
El tegnia droga da vende a chi outre; par śì adora a vende depì ‘l ea pronto a spaśemà chi outre spaciatore, a i petà fora, a i manazà co ra pistola. Par duto chesto e outro pede i à brincà un on da Roma, de 35 ane. I Carabiniere de ra conpagnia de Anpezo, aduna co ra Procura de ra Republica de Belun, r’à sarà chesta organisazion, che ra śia inaante almanco dal 2021. Chesto on el louraa con de outre, i conta oto parsones: chi outre i pagaa o sedenò i lasciaa nafré de droga, che i podese ra dorà ...