L’à inom “wood avalanche” e l’é l frut de n projet artistich per pissèr al valor che l legn, da semper conscidrà identitèr tel contest de la Èlpes, l’à anchecondì te n raion da mont.
Chesta esposizion, metuda fora al Zenter de èrt contemporana de Ciavaleis, pea via dal projet artistich “Frèl. La purificazion de la materia” che Pierangelo Giacomuzzi e l Grop Treefisters aea metù fora del 2016 semper al CEAC con l’obietif de soscedèr na reflescion sun materiai, ogec, ambienc e lesc che à semper fat pèrt de noscia cultura e che anchecondì i vegn conscidré soraldut a livel folcloristich, sot na parbuda “nostalgich-turistica” sostanzialmenter faussa. De contra a chesta vijion, l’idea de envièr i joegn artisć a pissèr e a enrescir da autra prospetives.
“Wood avalanche” l’é l resultat de 8 meisc de laboratories e workshop, selezion e enrescida artistica con cater joegn artisć de Academia: Davide Vanzo, Matteo Zeni, Alessandra Dianin e Silvia Sacchelli. Sie lurier dèsc respostes particolères e desvalives a la domana: “L legn él demò n material?” e se pel l veder al Zenter de èrt contemporana de Ciavaleis amò enscin en domenia ai 29 de oril, duc i dis con orarie 16.00-19.00 e en vender ai 27 e en sabeda ai 28 ence 20.30-22.30.
En vender e en sabeda da les 21.00 e en domenia da les 17.00 se podarà veder ence la performance de Alessandra Dianin.
De più su La Usc stampèda de vender ai 27 de oril.
(lg)
“Wood avalanche”, la percezion del legn
Fora Ciavaleis se pel veder n projet rencurà da Alice Zottele, Pierangelo Giacomuzzi e Roberta Segata con operes de Davide Vanzo, Matteo Zeni, Alessandra Dianin e Silvia Sacchelli
Galaria retrac
- L legn él demò n material?
- Alice Zottele, curadora de la mostra, apede a l’opera de Zeni.
- Sul parei l’é dessegnà na gran mapa conzetuèla con la conescions che pel vegnir fora pissan al legn.
- “Impressum” de Silvia Sacchelli.
- “Legno/Legame” de Alessandra Dianin.
- “Over the comfort zone” de Matteo Zeni.
- “Whirl” de Davide Vanzo.
- I artisc' spiega en curt l percors sul legn te n video te l'entrèda del CEAC.
- I artisc' spiega en curt l percors sul legn te n video te l'entrèda del CEAC.
- I artisc' spiega en curt l percors sul legn te n video te l'entrèda del CEAC.
- I artisc' spiega en curt l percors sul legn te n video te l'entrèda del CEAC.
View the embedded image gallery online at:
https://www.lausc.it/la-usc-on-tour/7192-wood-avalanche-la-percezion-del-legn#sigProId771be2b397
https://www.lausc.it/la-usc-on-tour/7192-wood-avalanche-la-percezion-del-legn#sigProId771be2b397