La Copa dl Monn söla ”Ërta”

Data

16 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Impresciuns fotografiches de n de de festa por le sport, por la jënt y por l’organisaziun. Y ci che les prömes trëi dij...
La terza ediziun dl gigant de Copa dl Monn dles ëres, en mertesc ai 15 de jená sön la pista ”Ërta” d’Al Plan, é stada n gran suzes por döt le raiun de Plan de Corones. L’organisaziun é stada ala perfeziun, le tëmp á fat le rest. Milesc de porsones é rovades alerch a ciaré la gara, davagnada ala fin dal’americana Mikaela Shiffrin dan la franzeja Tessa Worley y l’azzurra Marta Bassino. I ves pitun n valgönes impresciuns fotografiches de chësc de, che é sté na festa nia ma dl sport.

Chësc á dit les prömes trëi 

Mikaela Shiffrin - pröma: 
Finalmënter sunsi stada buna da rové la gara sön chësta pista fantastica y cinamai da arjunje la devënta. I pënsi che la pröma manche sides stada öna de mies mius cina sëgn, y tla secunda n’ái nia ponsé da aministré le vantaje, mo da fá na proa sciöche al toca. Chësta tatica á porté i früc ch’i sperâ. Complimënc al team dla pista che á fat n laur straordinar, deache do les prömes portes m’él sciampé n Wow.”

Tessa Worley - secunda: 
I sun dër contënta cun le resultat da incö. Sön chësta pista mësste, sciöche tres, ciafé le compromis danter les döes manche por fá n gran resultat. I á fat na buna secunda manche, deache tla pröma á Mikaela fat miracui. Ara é jüda bun, la pista ê perfeta y le destach é te chësc caje relatif.”

Marta Bassino - terza: 
Finalmënter sunsi rovada zoruch sön podest, do tan de tëmp y spezialmënter chiló, cun chësc publich straordinar. Al é öna dles emoziuns plü stersces dla sajun. Al é sté n de fantastich. Tla secunda manche sunsi piada ia cun la mënt lëdia y canche i á odü le corú vërt al travert m’ái delibré da n gran pëis.”