No tolon la jent per l nas

Data

23 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En cont de sensibilità soziala, politica e ambientala, chesta jonta provinziala no lascia ló de soscedar maravea.
La batuda de Fugatti su l'Irpef; se per tropes pel voler dir dalbon valch de pech cont, per chi che à vadagnes sot i 20.000 euro, n auter agravie de n café al dì, per dut l'an, no l'é proprio
na bagatela.
L'é dalbon n afront per chi che cogn contar ence le moneide, per ruar a la fin del meis.
La sensibilità del Sudtirol cognessa ne ensegnar valch
ence sun chest.
Se dapò vardon a la sensibilità ambientala, vedon che da na man, te la provinzia de Busan, l'é na gran atenzion envers n turism »green«, con manifestazion desche l tour de la Dolomites con mile e mile ziclisć engaissé e n publich amò maor e più content a veder la longia biscia de bikers su doi rode; da l'autra se permet sot i monts del Primier, patrimonie de l'umanità, na radunanza de centenees de Jeep, vardan demò a l'aspet economich.
Ence per l gran problem del trafich sui jouves de la Dolomites, se veit na sensibilità n muie desferenta. Da na man se chier soluzion, senestre, ma che moscia l'emportanza del problem e la volontà de troar resposte; da l'autra se fera, per no soscedar reazion o critiche de pec.
Da spes vegn dit de vardar che che fasc Busan. Se amancol valch outa se ge fajessa dò dalbon ti fac a la provinzia vejina, fossa jà n varech inant.  (Floriano Bernard de Cechinol, Pera)

Galaria retrac