Corvara y sü 1.100 lec

Data

21 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na rima motüda jö da Charlotte Castlunger, Corvara
Nos da Corvara sun bëgn dër stentá,
podun fá 1.100 lec implü, mo olá pa?
Le stüde dl Eurac s’á dit
che sun bele rová al limit.
Por chi scioldi essi bëgn podü dí
ci che gian ésson aldí.
Al n’é por nos nia saurí
vigni ann plü sciori orunse socudí.
Fora de sajun cun prescia messunse frabiché
por avëi dala Maratona döt cant arjigné.
Inurcaltan val’ stëra lapró se miritunse,
mo por avëi le hotel plëgn le prisc mënder lasciunse.
Al pó ester che an n’ais impone davagné,
val’ apartamënt a n foresto pón spo ti pité.
Datrai mëssun vëne döt le hotel
y resté sciöche dependënt, chël é pö plü bel.
Se stentun dër da ciafé de bogn colaboradus,
magari él valgügn che invënta n robot da n bel müs.
Sciori da döt le monn orunse cherdé adalerch
ma a chi dl’Africa ne podunse nia ti dé alberch.
Chi püc paurs da Corvara pó tosc lascé da lauré,
por fá sö chisc milesc de lec adoron le ciampopré.
Por i auti vëgnel fat garasc sot tera,
valch se inventunse pa bëgn ince por la vera.
Magari sunse ince nos prësc bogn da capí
canche al é ora da la finí
la figöra di ingordi n’oresson bëgn no fá
vigni videl sá canche al n’á assá.

Galaria retrac