La resposta de Alfreider

Data

16 de agost 2019

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Stima assessëur Daniel Alfreider,
ai 05.07.2019 Ve à Michil Costa fat n valguna dumandes tla zaita Alto Adige, n con’ de ntënder plu avisa Vosta vijions politiches. De nriescer velch deplù n con’ de Vosta ideies sozio-economiches, de Vosta ideies n con’ dl turism, dla mubltà su per i jëufs y dl’ecologia, argumënc de mpurtanza per nëus ladins dantaldut, ma sambën nce per duta la jënt de Südtirol.
Michil Costa, na persona nia mé cunesciuda y prijeda tla Ladinia, che à nce a livel naziunel desmustrà cualiteies da ne sotvaluté nia. Dumandes fates a Vo cun maniera y de n cër’ livel nteletuel, che ne à nchin a ncuei nia giapà na resposta dav  Vo. Ne respuender nia fossa ënghe na resposta!! Me damande sce chësta maniera (de ne dé nia respostes) fej pert dla »Bürgernähe« nueva de Vosc partit, o sce l ie pert dl »tenì adum danter i ladins« coche Vo pruspeteies te Vosta prupaganda de veles ai 12 de utober dl 2018 tla USC. Bonamënter ne ëis, danter Vosc truep pensieres y reunions, nia abù dl’aurela de respuender. Dessegur ne Ve màncel nia i argumënc n con’ dla cossa, y cunescion Vosta sensibltà y Vosta bona manieres.
Aspiete cun pazienza sun na Vosta resposta. Saluc,  (Herbert Prinoth, Urtijëi)