Fejon pa insciö?

Data

10 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Iö n'á mai capí ci che le fá aposta porta de positif. De regola é la conseguënza ma chëra, che d'atri mëss se sté mal, se cruzié y avëi situaziuns ciamó plü ries da porté. Canche la strada publica de Comun é lëdia dala nëi y che tö mëss ciaré pro che na porsona privata sciüra ite la nëi indô te strada y porta insciö pro che ara vëgnes lizia y prigorosa, spo mësson bëgn se damané: fejon pa insciö? Ciamó plü da parenté él canche sön chësta strada mëss ince passé na porsona che é sön n scagn da rodes y vëgn insciö confrontada cun na situaziun de prigo! Se comporté a na te' moda é ince n at de descriminaziun! Sambëgn, a tröc ne ti dij nia la lege 104/92, mo por chës porsones cun n andicap é chësta lege chëra che i tutelëia y ti dá i dërc che la coletivité mëss ti garantí. Por ci che reverda le passaje sön strada, pón se lí l'art. 26 de chësta lege! Lapró él ince l'art. 188 dl codesc dla strada che spliga co che ara funzionëia cun le passaje sön na strada publica te chisc caji. Les responsabilités de chisc articui de lege n'é nia da sotvaluté, deache les conseguënzes é pesoces.  (Ruth Erardi, Al Plan de Mareo)

Galaria retrac