N gran »bravo« a David Lardschneider

Data

18 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A liejer l gran articul di muciadives dl'Africa y mpue' de duta si storia te chisc cater ani, ulache i ie unic tëuc su tla ex Pension Sole a Urtijëi y de chësta esperienza di medemi che va śën a se finé via ai 15 de jené che vën, me dij mi cuscienza che man man che lijove chësc articul da stramp nfurmatif me unìvel su for deplù te mi dedite l bujën feter fisiologich de ti fé n gran cumplimënt y de ulëi ti auzé l ciapel a nosc redatëur dla pert de Gherdëina de La Usc di Ladins, David Lardschneider de Sëlva. Chësc articul cun si cunscidrazions, dala prima nchin al'ultima rissa, ie stat propi na marueia a l liejer, cun danterite si ntervista-ciaculeda cun Manuel Dellago, che ie l patron dla cësa ex Pension Sole y tulan pona ite scialdi bën nce la nia puecia autoriteies istituzioneles – danter chëstes nce l assessëur Florian Mussner da Costa. L ne à sambën nia lascià ora de cunscidré la pert dla jënt che fova dassënn de contra ala cossa n descuscion te nosc luech de Urtijëi (cun la gran sala tla cësa di cungresc, che fova te chësa ucajion tl mëns de nuvëmber dl 2015 tan plëina coche la ne n'ie mo mei stata te si storia da zirca 50 ani incà).
Nosc redatëur ie cun si reportaja, recostruzion stat da na grandëza y da na cunsistënza, da na lucentëza y da n savëi spezifich grandiëus, velch defin de rer y nia saurì
da abiné, nce lijan de gran zaites da demez.
Per ti dé n majer pëis a chësta risses ne ulëssi nia lascé ora che mi persona se tol dl'aurela de liejer feter uni di nce cërta zaites da oradecà, per ejëmpl dantaldut l »Libero« y nce datrai l »Corriere della sera«, ma dantaldut nce la »Tageszeitung« de Bulsan. Mbën ne me schive nia de dì bel bret che no n Vittorio Feltri o n Fausto Carioti dla prima y no n Paolo Mieli o n Antonio Polito dla segonda, ma nce no n Arnold Tribus o n Arthur Oberkofler dla Tageszeitung ne ruva nia saurì a n tel livel pra n articul de gran sustanza coche n David Lardschneider à sapù da
mëter sun la plates dla pert de Gherdëina dl'ultima Usc
di Ladins, unida ora
ai 6 de dezëmber.
Bravo y mo n iede bravo per chësc gran lëur jurnalistich y a duc nëus nes diji cun cunvinzion: »Lijon, lijëde chësc articul cun mpëni! L sarà dessegur de gran prufit per na miëur' cunescënza dla cosses te nosc mond scialdi ntravaià y suvënz sotsëura de ncueicundì!«  (Oscar Prinoth dl Rezia, Urtijëi)

Galaria retrac