La Usc di Ladins

Te n mumënt storich ulache la nfurmazion danter jënt va da un n cuntinënt al auter tres social media te fruzies de secunc (»in tempo reale« a dì dl talian),ne ntëndi nia la tëma de Roland Verra, che na streda datrai stluta pudëssa preiudiché raporc de crëscer adum danter doi valedes ujines.
Stlù l Jëuf de Frea, y i autri Jëufs magari ënghe, n valguna ëura al di, mé n valguna enes o mënsc al ann, tla sajon auta de turism, te na maniera scëmpla zënza burocrazia y de gran spëises, purtëssa de gran vantajes de cualità de vita ala valedes.
L desmustrëssa maduranza culturela y de scunanza dl ambient da pert de nosta jënt, che purtruep mé l daunì y la storia puderà desmustré, ajache nëus, y la politica dantaldut, vivon mo n chësc cont tl spirt di ani setanta.
Nsci la vëiji ie.  (Herbert Prinoth, Urtijëi)