La Usc di Ladins

I sun restada dër mal dan val' dis, canche i sun rovada dan le Despar a La Ila y á odü che al ê n pér de manëces sciurades ia por tera, y do n auto dlungia n'êl ciamó. Döt chësc ciamó cun n chibl dal ciomënt bel dlungia, sciöche an pó odëi söla fotografia. Che jënt sciüra manësces ia por tera me sá n at de pücia cherianza, suradöt te chësta situaziun de »coronavirus«, deache al podess ince ester prigorus sce valgügn, magari mituns, les brancia ite. Y en chësc iade ne pón nia ti dé la gauja ai sciori sciöche an fej zënza, deache de chi ne n'él nia por incërch. Mia domanda é chësta: n'unse imparé nia da döt chësc?  (Evelyn Adang, Badia)