La Usc di Ladins

Scrije chësta lëtra per ve purté dant na tematica che ie da mé ora scialdi mpurtanta. Cun la sentënza nr. 00059/2020 dl TAR de Bulsan, à l Tribunal detlarà nia leghitima na cunzescion de frabiché data ora dal Chemun de Sëlva a n zitadin de Sëlva. Ne ulësse nia jì ite massa tl spezifich te chësta cuestion, ajache da zitadina ne me nteresséiela nia tl detail. Rate mpo che l messëssa vester de nteres publich y ne ntënde nia ciuldì che deguna zaita ne ebe ulù ti jì permez y fé unì publich chësc documënt y chësta cuestion nia leghitima. Co iel pa mesun che l ambolt Roland Demetz ebe aplicà fauz la lege, coche n possa liejer tla sentënza publica dl TAR de Bulsan, per dé ora na lizënza per frabiché che ie pona unida cunscidreda nia leghitima? Da zitadina me damandi coche l sibe mesun che fai coche chisc posse suzeder te n Chemun coche Sëlva.  (Anna Sofia Zimmer, Santa Cristina)