La Usc di Ladins

Cun referimënt ala lëtra publicheda tla edizion passeda de La Usc di Ladins: perdrët iel bel a udëi che zitadins de d'autri chemuns ti cëla a cieche l suzed dal ujin, scebën che uniun n ëssa assé a cialé te si chemun.
Per coche va ora na sentënza iel suvënz n tré al lot, y suvënz ie l Chemun danter l ancuni y l martel. Te chësc cajo spezifich, sce l Chemun ne dajova nia la cunzescion – propi ajache l fova assé elemënc cun arac dl Ufize Urbanistich Leghel dla Provinzia y da doi aucac – pona se giapova mefun l Chemun y perchël l ambolt na plura dal'autra pert per ne avëi nia dat la cunzescion. Chëstes ie purtruep cosses al ordenn dl di al didancuei, ulache duc uel avëi rejon de dut.
Ma sce anda Anna Sofia Zimmer ulëssa nterpreté y iudiché miec la sentënza, pona ti dei gën plu nfurmazions n con' dl cajo, tenian sambën for l anonimat dl zitadin che à menà l Chemun dan Sunieria. Te chëla ucajion possi nce ti cunté coche la va te na aministrazion publica y ciuldì che, da coche à scrit Anna Sofia Zimmer: »fai coche chisc possa suzeder te n Chemun coche Sëlva«,...sce l ie bën n fal. Cun de biei saluc  (Roland Demetz, ambolt de Sëlva)