Iö ne capësci nia

Data

24 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I prëii pordenanza sce i fajará val' conscidraziun critica che reverda certes regoles che nes é gnüdes metüdes dant te chëstes ultimes edemes, do che la »fasa 1« é passada ala »fasa 2« dl'emergënza virus.
Iö ne capësci nia, ciodí che al é ploanies olache ara vá da fá la santa mëssa alaleria, pa paiun, podon insciö ti dé la poscibilité ala jënt, zënza »numerus clausus«, da tó pert, y tla Ploania d'Al Plan ne vára nia.
Sëgn savunse pö che sce an stá a 1 meter de destanza, spo pón lascé demez le mascherot. An mëss ponsé che al é ince porsones che patësc y se stá mal, sce ai mëss avëi plü di le mascherot indos, y la Dlijia messass avëi le travert che ince chëstes porsones pois tó pert y jí ala santa Comuniun.
Iö ne capësci nia, ci segurté che na proca de lëgn, tl toch olache an lascia jö les mans, fata ia te nylon, dá.
Iö ne capësci gnanca ci problem che na Corona dita dan la s. Mëssa fejes tl cheder dles regoles dal virus, che ara ne pó nia plü gní dita! N'éra mo nia magari insciö che le grup di volontars che se tol a cör che le »numerus clausus« vëgnes tigní ite avisa, ois desmostré süa supremazia cun aroganza y zënza respet por le zitadin/fedel che chir te chësc tëmp ince n aiüt dal Alt? Personalmënter vëighi che certes regoles metüdes dant, desmostra püch o degun »bun sëns«. Sce an vëiga desche la jënt te val' bar stá adöm zënza mascherot, y te Dlijia é les regoles tan restritives, da fá pora y te mëte tla trica. Ciodí n'él pa degügn che se damana, ciodí che i scioldi n'é nia ince n stromënt de contaje? Les spënores pón fá zënza problems... vá mo a capí.  (Ruth Erardi, Al Plan de Mareo)

Galaria retrac