I genitores referenc de la scolines de Fascia vel ge sporjer n fort develpai a duc chi che à tout sù a na vida completa noscia domanes de azess al servije de scolina dajan na resposta concreta e svelta che à permetù coscita a nesc fies, coi 20 de messèl, de poder endò jir a la scolina e ciapèr endò ite la vita da duc i dis.
Ogne destinatarie de la letra se à dat jù con azions emportantes per ressolver l problem a scomenzèr da nosc conseier provinzièl Guglielmi, che rengrazion per la desponibilità e l lurier che l'à portà inant, la Provinzia per aer metù a la leta la ressorses economiches che l'era de besegn, la Sorastanza de la Scola Ladina de Fascia, la Federazion provinzièla de la scolines, i Enc Gestores e l personal dozent e ausiliarie per aer tout sù l personal che l'é de besegn e aer metù a la leta i spazies, i Comuns per aer troà fora i posć adaté e aer metù a la leta la fornimenta, l Garant di Mendres per l suport e l'enteress desmostrà. N develpai de cher a duta chela persones che laora ogne dì con costanza e dedizion per l ben de nesc fies. (I genitores referenc de la scolines de Fascia)
Develpai, nesc fies pel endò jir a la scolina
Galaria retrac
View the embedded image gallery online at:
https://www.lausc.it/letres/13136-develpai-nesc-fies-pel-endo-jir-a-la-scolina#sigProId3ea384464f
https://www.lausc.it/letres/13136-develpai-nesc-fies-pel-endo-jir-a-la-scolina#sigProId3ea384464f