Studié y studié

Data

30 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
»Oltre al danno la beffa« a dí dl talian. Gran idea: fajun mo n stüde! N stüde mësson bëgn avëi por studié, y do düc i stüdi, inrescides, monitoring (brau Manuel Riz)! che é gnüs fac te chisc ultims agn por ci che reverda le trafich söi jus dolomitics, podesson fá n stüde. Che n'é nia d'ater co na cumpëda. Mo sambëgn, cun n stüde che é tl'imaja coletiva val' de ütl, pón se fá bi y inteletuai, an pó assiguré la popolaziun, se don da fá. N stüde dëida pro a partí fora n pü' de scioldi, n stüde dëida pro a se fá n te' pice monumënt, mo dantadöt pón se tó le tëmp por ne tó degöna dezijiun.
Tl stüde cun videos y fonometri podesson ince fá na inrescida söl corú di auti, söla altëza di campers, söl ann de frabicaziun dles »decapottabili« y söla mesaria dla velozité di tractors che röia söl Sela.
N some, che ne cunta nia te n tëmp de emergënza, i messun pö ester operatifs y produtifs y pragmatics, mo n some ch'i ne me lasci impó nia tó é n pü' de pesc sö por munt olache an alda les conseguënzes dl Luna Park incër le Sela.
Mo intratan, aspetan che al sozedes valch: fajun mo n stüde!  (Michil Costa, Corvara)