La Usc di Ladins

Tla ultima zaita de La Usc di Ladins me à plajù (?) la fotografia de duc ch'i auti parchei sun vel' jëuf, sun duta la plazes y sun i ëures dla streda, coche la ie, sambën, chisc dis y uni di. Dalaibon la doi vaces, una che ti cëla al'autra nsci per ti dì: ues'a udëi che tosc nes toli nce a nëus la pastura?
Do chësta pitla matada, ulovi mo n iede sotrissé che l ie bele 30 ani ca che n rejona dl gran problem dl trafich ntëur al Sela. Rujenà iel uni truep, ma fat ne n'iel mo unì nët nia. L vën for inò dit che l ie gran ëura de fé velch, ma nët nia ne n'iel mo unì fat!
Do la proes de n doi o trëi ani, àn inò dut lascià coche l fova. Sambën che ne fé nia ie plu saurì che se purvé a crì na soluzion, che cun mpue' de bona ulentà da pert de duta la pertes fóssel dessegur mesun a abiné na soluzion. N ti cunsënt pu a duc de jì a ti cialé a nosta marueies, ma cun manco auto che l ie mesun. Furnadoies d'uni sort ruva sun i jëufs, y cun la curieres jissa ënghe la jënt ntëur al Sela.
Tan giut messeràn pa mo aspité? Àn pa la ulentà de ressolver chësc problem, o unirons'a mo inant tëui pra l cul? Cun de biei saluc,  (G. Christian Stuflesser, Urtijëi)