Canche al n'é degüna dodanza

Data

26 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Aldí che ince rapresentanc politics te nosta provinzia pél che adorais le bonus da 600,00 euro, scebëgn che ai vëgn bun paiá, lascia odëi tan al bas che i sun rová cun la politica ince tló da nos! Sce an alda les motivaziuns di singui candidac, spo me mancel a me personalmënter ma plü les parores! »Damané le bonus da 600,00 euro por fá na spënora«! Al é families che á de gran dificoltés da ti mëte val' te taí ai mituns y tló unse rapresentanc politics che cun de te' aziuns coiona chës porsones che ess veramënter debojëgn y che n'á odü cina sëgn degun centesim! Na porsona che á na invalidité alta mëss gní fora cun 400,00 euro al mëis y chëra n'á gnanca podü damané chësc bonus! Iö me dodi da avëi de te' rapresentanc politics a livel provinzial! Sëgn na domanda dër scëmpla: »Stimá rapresentanc politics, minëise da avëi de bunes chertes tles mans por les lítes de comun che é dan porta? Minëise bëgn che i sëise bogn da motivé tröpa jënt da tó pert?«  (Ruth Erardi, Al Plan de Mareo)

Galaria retrac