Ti media ladins àuden denuminazions desferëntes dla provinzia de Bulsan: datrai Südtirol, datrai Sudtirol...
Tenian cont che l ladin ie na rujeneda neolatina, fóssel do mi ntënder da pensé a na denuminazion che curespuende ala carateristiches linguistiches dl ladin, nce per se desferenzië y ne unì nia omologhei ala dizion tudëscia.
La costruzions cumbinedes coche »Nordcorea«, »Sudossezia« y n.i. ne sona nia bën tla rujenedes neolatines, scebën che l se ebe i ultimi tëmps ntanà ite de tel costruzions nce tl lingaz jurnalistich talian. Miec sona la denuminazions »Corea del Sud« y »Ossezia Meridionale«.
L inuem »Tirol« vën dal ladin »troi«, almanco vëniel jagà nsci da plu studiëusc, y segurmënter ie i ladins la populazion uriginera de chëla che univa tlameda anticamënter la »Tiera dla Montes« (»Das Land im Gebirge«).
Aldò dla carateristiches linguistiches dl ladin fóssel perchël povester da tò n cunscidrazion la denuminazion ladina »Tirol dl Sud«, auzan a chësta moda ora nosta particulariteies ladines nce tla dizions y scrites ufizieles. (Roland Verra)
L inuem ladin dla provinzia de Bulsan
Galaria retrac
View the embedded image gallery online at:
https://www.lausc.it/letres/13421-l-inuem-ladin-dla-provinzia-de-bulsan#sigProId70c7341768
https://www.lausc.it/letres/13421-l-inuem-ladin-dla-provinzia-de-bulsan#sigProId70c7341768