Deguna fin!

Data

14 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L ie propi bel a pudëi audì dal mëinacrëp Marcello Cominetti de Fedom, che viv te na valeda dla Dolomites mo do la rata manco tucheda dala nvajion de turisć, che dij tl articul dla ultima Usc di 4 de setëmber: »L turista che vën tla Dolomites miena che l ie n raion ulache n possa fé cieche n uel.« Sambën, nëus de Gherdëina son tan laite te chësc ruf de ciculata y la ueia de scioldi ie massa granda, che ne se rendon nianca no plu cont che dunfrion su nosta belëzes natureles, che mé puec al mond à la fertuna de avëi, per acuntenté n turista che pertënd for plu y plu. Dajon do de uni viers, pitan l luxus y la cumuditeies for plu alauta tla montes, desturban for plu y plu l'ultima lueges de gheneda. L ne n'ie mei assé, for plu
View the embedded image gallery online at:
https://www.lausc.it/letres/13473-deguna-fin#sigProIdd7386e4f02
y plu ulons pité, »atrazions turistiches tl stil luna park« – coche dij inant l mëinacrëp Cominetti. Iel pa cun chël che ulon tré l turista de cualità, coche l vën dit? O iel pa povester cun l auzé di priejes for plu y plu?
Aldò dl busiamënt ti ultimi mënsc te nosta valeda, seméiel che jon mé ora sun l abiné la massa y nia la cualità. Ma sce on festide de pierder n seniëur mé ajache ne l lascion nia fé dut chël che l uel, pona rati jons dl fauz viers. Perchël iel gran ëura de mëter rëms, sibe per la viabltà sun i jëufs, che nce a chëi che ne se n vëija mei assé, nvian via proiec de dann ambientel. Mé per ti mplenì la fuies a vel' abrà ie l priesc che la natura paia massa aut. L fossa de mpurtanza che n ti feje ntënder al seniëur che l se muev te n raion de marueia naturela y perchël ne dëssen nia lascé pro che l raite ju nosta valeda te n santiam.
La tendënza de ulëi ti pité al turista de pudëi vijité nosta valeda sibe d'instà che nce d'inviern, nce mé te un n di, ne n'ie economicamënter y ecologicamënter nia da sustenì.  (Valentine Kostner, Urtijëi)

Galaria retrac

View the embedded image gallery online at:
https://www.lausc.it/letres/13473-deguna-fin#sigProIdd7386e4f02