Fond de recostruziun europeich y les gran operes tles valades ladines

Data

06 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cun le fond de recostruziun (Recovery Fund) tla Uniun Europeica se deurel na fasa de n gran intervënt publich tl'economia. Aladó dla teoria economica de John Maynard Keynes, dess chisc mesi gní adorá por n mioramënt dl sistem infrastrutural de n paisc.
Tles valades ladines él tröpes infrastrotöres da fá y por chëres che an mëss ciaré da ester bogn da rové pro i finanziamënc dl Recovery Fund. Tëmp da perde n'él nia. Ciünes é pa les gran infrastrotöres a chëres che an mëss ponsé tl proscim dagní? Imprömadedöt mësson ciafé na soluziun por le Ju de Frara, olache al é 30 agn che an baia zënza derzé fora nia. Le tonel de coliamënt é pa la sora soluziun che pormetess da smendrí le trafich sön le Ju de Frara y pormetess le coliamënt natural danter les döes valades ladines. Adöm cun le tonel él spo da ponsé ala zirconvalaziun de Sëlva y la nöia zirconvalaziun de Urtijëi. Dala pert badiota la zirconvalaziun da La Ila y Corvara. Sce an ó, spo ponsé ciamó n pü' plü alingrana, pón ince colié tres n tonel les atres valades ladines, Fodom y Fascia y cun chësc spo stlü i jus al trafich, cun düc i vantaji da n punt de odüda turistich.
Utopia? Nou, degüna utopia, madër idees tleres y lauré tla dërta direziun. I ne podun nia tres se lascé sciampé döt. Bele a livel de provinzia de Balsan é les valades ladines tres les ultimes por ci che reverda i gragn investimënc. Gauja é ince la rapresentanza politica debla.
Por realisé döt chësc, dess i ombolc dles valades ladines anuzé la Lia di Comuns, istituziun che n'é ti ultims agn nia plü gnüda trata ca.
Sce i tolun ca en chësc iade indó mile vertores por ne fá nia, restarunse inzoruch.
Al é da s'aodé che i rapresentanc politics locai y provinziai chiris fora dala popolaziun sides al'altëza de chësc compit. Da pert de Ladins Dolomites les mius aodanzes y sostëgn.  (Albert Pizzinini, Ladins Dolomites)