La Usc di Ladins

Iel pa de massa sce n ti lecorda a nosc cunzitadins tla provinzia de Bulsan che trueps de nosc antenac ladins di tëmps dl Prim Medieve abitova, aldò di studiëusc plu recunesciui, tla Valeda dl Isarch y à nridlà muvan da iló demez la valeda de Gherdëina y mo d'autri raions ladins?
L me sà bën mpue' feter che l vën belau ratà, da vel'un de nosc bon cunzitadins de d'autra rujeneda, che ne assan deguna rejon de vester nëus nstësc, dedora da nosta valedes, bele sciche messessan viver te n resservat dolomitich per pudëi nes dé da recunëscer coche ladins. Pona se féjen marueia che i ladins »dlafora« ne vënie tan che nia tëuc n cunscidrazion tl descurs generel de nosta provinzia, bele sciche i ne fossa nia sun chësc mond...  (Roland Verra, Urtijëi)