Chesta dinamiches l'é chel che ge fèsc più mèl a la raprejentanza politich-aministrativa e a la percezion che la sozietà à de chesta. Fin canche chisc ategiamenc arà la soramessa, sarà senester aer na legitimazion forta e consapevola de la politica. Te la ultima litazions del Comun General de Fascia, a noscia val ge é stat sport doi alternatives politiches prezises. La logica democratica é stata deldut respetèda e la comunanza à fat sia cernudes, ma cognon amò palesèr nosc potenzièl desche coletività. La neva legislatura che se à avert te CGF, e ti Comuns de la val, la cogn vegnir orientèda envers
View the embedded image gallery online at:
https://www.lausc.it/letres/13904-sinergia-per-l-ben-de-la-comunanza#sigProId956a80755f
https://www.lausc.it/letres/13904-sinergia-per-l-ben-de-la-comunanza#sigProId956a80755f
Te chest chèder la Provinzia Autonoma de Trent l'é l'interlocutor prinzipal, con chel che noscia comunanza cogn rejonèr per veder garantida la tutela de si enteresc pissan al progress tel davegnir.
L Conseier provinzièl ladin, che te chesta legislatura l'é en maoranza, l'à donca na funzion fondamentèla per poder aer n leam diret anter i besegnes fascegn e l'assemblea trentina. Con recor osservon che te chisc prumes doi egn de lurier a livel provinzièl, l Conseier ladin no à amò prejentà nesciugn dessegn de lege, te n temp olache la val domana atenzion e responetes su desvalives ciampes. Aldelà di dejèjes caujé dal tormen Vaia te l'uton del 2018, l'é sacotanta operes publiches che speta da egn la spenta da man de na volontà politica forta e dezisa.Anché se enjignon a ge fèr front a una de la sajons da d'invern più fosces e malsegures de semper, che podessa meter en gran dificoltà duta l'economìa de val, con sie cher fat de picola firmes. Te chest chèder zis delicat, enveze che lurèr per proèr a dèr responetes ai ambic economics de la val dassen cruzié (per chel che revèrda i termins e la regoles per la avertures, la cordanzes con la Regions vejines, c.i.) l Conseier ladin, te una de sia ultima interogazions a la Jonta provinzièla, no l'à troà nia de miec da fèr che ge meter dant la costion leèda a l'autorisazion de la doura de l'emblem de la Provinzia Autonoma de Trent da man de la CGIL del Trentin, en
View the embedded image gallery online at:
https://www.lausc.it/letres/13904-sinergia-per-l-ben-de-la-comunanza#sigProId956a80755f
https://www.lausc.it/letres/13904-sinergia-per-l-ben-de-la-comunanza#sigProId956a80755f
La neva cordanza (pissèda dal Conseier ladin) con la formazion politica vidèda dal President del Consei provinzièl, l'é n auter pas endò te la promozion di enteresc de noscia comunanza. Ge vel se domanèr se dalbon sie percacent chest leam con na forza politica che no à mai raprejentà nia per Fascia e sia autonomia.
N contribut emportant, enveze, podessa esser portà dal Conseier ladin su la costion che revèrda i finanziamenc de la neva opera publiches te Fascia, de gra al 'Fondo de resserva Covid' (i scioldi che la P.A.T. l'à ciapà dal Stat per corir la entrèdes no ruèdes per via del lockdown emponù da la pandemìa) e al contribut (no amò spezificà) del Recovery Fund che cognessa ruèr del 2021 da l'Union Europeèna. Te la pianificazion di intervenc metui en program da la Provinzia, la Neva Ual spera che l Conseier ladin laore per portèr dant projec che posse menèr Fascia sun n troi de svilup concret e e de crescimonia sostegnibola.
Te la gestion di scioldi a la leta per la crisa caujèda da la pandemìa à ben segur n ruol la istituzions zentrèles del Stat. Una de chestes l'é l Parlament, olache Fascia l'à de fat na raprejentanza (ence se a l'oposizion). Enceben che dal pont de veduda formal no sie pervedù
View the embedded image gallery online at:
https://www.lausc.it/letres/13904-sinergia-per-l-ben-de-la-comunanza#sigProId956a80755f
https://www.lausc.it/letres/13904-sinergia-per-l-ben-de-la-comunanza#sigProId956a80755f
con nosc teritorie autonom, l'à provocà na sfenadura evidenta te la sozietà fascèna.
L'antagonist politich de la Neva Ual à volù caraterisèr i ùltimes apuntamenc litèi tel contrast anter dreta e cencia enveze che envers na dialetica costrutiva basèda su costions soraldut locales. L dialogh, ence anter forzes en oposizion, l'é l'essenza de ogne competizion politica.
L lurier de la Neva Ual va te chesta direzion, zenza voler neèr la desferenzes politiches che é a la basa del sistem democratich, ma sotrissan l besegn de tor ite ogne singola ousc tel cor de noscia comunanza. Apontin percheche picola ti numeres, la sozietà fascèna à de besegn de na ousc forta per palesèr si besegnes. Demò l dialogh anter la generazions e la cordanza a livel politich-istituzionèl pel consentir na crescimonia più forta e n svilup sozièl, economich e cultural per i egn che vegn.
(Neva UAL)