La Usc di Ladins

Percha ciafa na zirconvalaziun cun i scioldi da Roma, deperpo che les valades ladines resta praticamënter a assöt. En previjiun dles Olimpiades de Cortina dl 2026, él Roma che stanziëia 82 miluns de euro por le mioramënt dla viabilité. De chisc ma 5 por n pice mioramënt dla viabilité danter San Ciascian y Cortina, deperpo che döt le rest i vá a Puster, danter l'ater por realisé la zirconvalaziun da Percha (29,1 miluns de euro).
Chiló él sëgn da capí ci che al sozed tles valades ladines, olache al jiss tan debojëgn de zirconvalaziuns (La Ila, Sëlva mo ince Urtijëi); ciodí che i finanziamënc vá tres de n ater vers y ciodí che sön la jënt vëgnel tres fat na politica che dij che ara ne vá nia y che al n'é nia i scioldi. Chiló n'él de chi che ingiana la popolaziun y ne fej nia indortöra so laur.
Nos ne podun nia tres resté zoruch y azeté passivamënter che i scioldi vais tres invalgó
d'ater. Co orunse pa jí inant tl dagní sce i restun sofiá dal trafich?
I arati che al sides gran ora da bate i pügns sön mësa y se fá inant. A Percha n'éra pa nia jüda atramënter. Recordun che le grup dla SVP da Percha á manacé da lascé la SVP sce al ne ti foss nia gnü dé la zirconvalaziun, y sëgn la ciafai.  (Albert Pizzinini, Ladins Dolomites)