La Usc di Ladins

»Hoi, ciau,« vede te n luech ujin. Na muta che ne cunësce nia s'la rij y me dà l bënunì. Y l salut de mutons porta legrëza, na lum se mpëia tl cuer... Y jan tres la cuntreda: »Oh, ce bel, ne se on tan giut nia plu udù.«
N bënunì che per mé à n valor, dantaldut ajache tl 2020 nes ie unides scialdi a mancë la ancuntedes. Y uniun se mbincia che l ann 2021 nes porte ala normalità, che l sibe fertunà, ma mé tres l cuntribut de uniun, afruntan chësta situazion cun respunsabltà. Ne jan nia sëura la sëides ora: »Lascia mé che i dije« o »L virus? Na nvenzion.«
Ma la paroles tle ie: respet tla drëta mesura, se tenian ala normes igieniches y de precauzion, no lascé che l panich o la tëma ebe la sëuravënta, pona de viers dla normalità inò ruverons.  (Ulrica Perathoner, Urtijëi)