L ie scialdi saurì cunscidré te nosc tëmp nsci modernistich di ultimi ani che feter duc y
dutes o almanco la majera pert di jëuni y dla jëunes, ma bën nce jënt de na cërta età, à daniëura for – belau dut l di – te fuia n telefonn o chëla sort de njins che n pudëssa nce tlamé »tuttofare«, o a uni moda cun n grumon de funzions. Coche cunseguënza ne n'iel nia rie mëter a verda y cunstaté che jënt se tripa feter a tëmp plën sun streda y daniëura nce te cësa cun chësc aparat.
L ie feter n fenomenn de n mpëni plën y total, suvënz cun sudesfazion, ma datrai nce cun formes de delujion y povester nce da se dessené.
Mbën, chësta
View the embedded image gallery online at:
https://www.lausc.it/letres/14797-l-mond-che-se-muda#sigProId2dce4f9f56
https://www.lausc.it/letres/14797-l-mond-che-se-muda#sigProId2dce4f9f56
l'autra jënt!
L ie na gran tendënza y urmei na cërta realtà che n se despassa via sun streda y tretuar un daujin al auter zënza minimamënter ne unì a frida de rujené cun l'autra jënt. N se despassa via cun l telefonn tla man, y chëi o chëles che despassa via nce mé a zentimetri o mez n var daujin, chëi ne n'ie bel nia, chëi ne vel bel nët nia, chëi làscen passé y bon.
Da sëira ne n'iel nia plu l cajo de pudëi dì o de pudëi ti cunté ala fëna o ai genitores che n à rujenà cun chësc o cun chël, che l ie stat scialdi positif y de na cërta sudesfazion de avëi ancuntà y rujenà cun chësc y cun chëla. Tres chësta maniera vën nosc mond de n cër' viers plu »assurd« – sce ulon tò ca chësta parola – y nia plu tla regula di tëmps passei, no pa?
Truep jëuni y manco jëuni ruva a cësa zënza chëla richëza de avëi rujenà cun chësc y cun chël, y nosc mond pierd una dla cosses che ie ti tëmps passei for states de mascima mpurtanza per na sort de cunvivënza positiva y senziera. (Oscar Prinoth dl Rezia, Urtijëi)